حساس
صعب اوى اما تبقى متعلق بحلمك جدا وتسعى انك تحققه وماتسيبش طريق يوصلك
ليه الا انك تمشى فيه ....وتسيب كل حاجه بتحبها وبتعطلك عن حلمك حتى
اصحابك وفاجاه .. تلاقى حلمك ده بيضيع منك شويه بشويه لحد مايختفى تماما
كانه ماكنش ليه وجود ........ واما حالتك
تسوء وتزعل والناس اللى بيحبوك يزعلو عشانك ويبتسمو ومايوضحوش انهم زعلانين
وانت شايف جواهم دموع مش راضيه تتطلع عشان بردو هما بيحبوك ومش عايزين
يزودو عليك همك ويقولولك ان كل شئ رزق وتدبير من عند ربنا ويقولولك ان
الانسان بتبقى اللقمه ف بقه ومايعرفش يبلعها لانه مش رزقه حتى لو بلعها
ماتتهضمش ولو اتهضمت وجرت فى دمه ممكن يتعور ف اي لحظه والدم الناتج من
اللقمه دى ينزف منه ليه لانها ماكنتش رزقه من الاول ..... وصعب اوى انك
تقعد ف اللجنه وتبقى متاكد من الاجابه وتلاقيك بتكتب حاجه تانيه او متكتف
ومخنوق ومش عارف حتى تدعى تحس انك مشلول احساس وحش اوى ..... وبالرغم من ده
كله تقول وماعند ربك خير وابقى
محدش عارف بكره فيه ايه اكيد ربنا
شايل لنا الاحســــــــــــــن ما ننكرش اننا بنزعل بس بنرجع نقول كله
توفيق من عند ربنا واكيد ان شاء الله اللى جاى احسن
dr : ola rageh